Eubus nga importante ro presensya it mga ginikanan ukon guardian sa mga inonga eabi eon kon una sanda sa adolescent stage.
Suno kay Dr. Josephine Ricamonte, Madalag Health Officer nga kon sa makaraya nga stage ro mga inonga hay vulnerable sanda sa pila ka mga issues kaparehas it mental and physical.
Dikara eon suno kana nagasueod ro kyuryusidad sa mga pamatan-on rason nga kon kinahang-ean nanda ro mga ginikanan hay dapat una gid ro mga raya para sa pagpamati kanda.
Apang, ro iba nga idto sa maeayo ro andang ginikanan hay dapat ro andang mga guardian ro magasubaybay sa mga raya bangud nga ro andang ginaangkon nga problema hay pwede nga mauli sa depression.
Sa makaron nga panyempo suno kana hay medyo matago it problema ro mga inonga rason nga dapat antiguhan ro mga ginikanan magkabisa sa ugali it andang mga onga ag kutan-on insigida kon ro mga raya kon may ginaangkon nga problema para gilayon nga masolusyunan.
