Bukon eon sa senior high school igapatuman ro ROTC kundi sa kolehiyo eon.
Balik sa dati.
Raya ro ginpahayag ni Vice President ag DepEd Secretary Sara Duterte ko nagtaliwan nga domingo.
Nauna eon nga ginpahayag ni Sara ko Hulyo nga ibalik ro ROTC sa senior high school ag pabor man kara si President Ferdinand Marcos Jr.
Suno kay Marcos, ro tuyo kara hay agud nga masanay ag maorganisa ro mga estudyante sa pagdepensa sa nasyon ag mapahaum man sa mga kalamidad ag mga kapareho nga sitwasyon.
Suno pa kay Sara, nakikipag-istorya eon imaw sa mga mamalidha angot kara.
Mas mayas sigon nga sa higher education ibalik ro ROTC bangud nga ro mga una sa kolehiyo gid man ro nagabo-oe kara.
Kat mabutang si Sara sa DepEd, ro pagbalik it mandatory ROTC ro sambilog sa anang prayoridad.
Tuyo sa pagbalik it ROTC nga magpangibabaw ro pagpalangga sa nasyon ag maging disiplinado.
Ginbo-oe ro ROTC ko 2008 kat maging laye ro epublic Act 9163 ukon National Service Training Program .
Naging voluntary eon lang ro ROTC.
Sambilog sa mga rason kon ham-an nga ginbungkag ro ROTC hay bangud sa makangieidlis nga pagpatay kay UST cadet officer Mark Wilson Chua it mga kapareho nana nga cadet officer ko 2001.
Ginbulgar ni Chua ro corruption sa ROTC it unibersidad.
Pinatay si Chua pinaagi sa pagbigti.
Ginputos imaw it kutson ag ginpilak sa suba it pasig.
Makaron nga uman nga ginbalik sa college level ro ROTC, ro pagkabaeaka hay uman eon man nga nabatyagan partikular it mga ginikanan.
Basi may una eon man nga mamatay bangud sa pagbulgar it anomaliya.
Dapat gid man baea nga ibalik ro ROTC para eamang mapamatud-an nga may pagpalangga sa nasyon.
Bantayan it tanan ro pagbalik it makontrobersiyang ROTC.
