KALIBO, Aklan–Gineauman eon it pamunuan it Municipal Disaster Risk Reduction and Management Office (MDRRMO)-Kalibo ro pagbuhos it mga pumueoyo sa opening salvo it Kalibo Sr. Sto. Niño Ati-atihan Festival 2023 makaron nga gabi-i.
Suno kay MDRRMO-Kalibo Head Terence Toriano nga ginabuebanta nanda nga kapin sa 20,000 ka mga tawo ro magadagsa sa Kalibo Pastrana Park para makisadya ag saksihan ro sambilog sa pinakamabhoe nga okasyon makaron nga dag-on.
Ginpasiguro man kara ro kahauman it andang bilog nga pwersa sa pagtao it medical responses sa sueod it festival zone.
Maskin ro andang mga behikulo hay naka-posisyon man bilang kaparte it tactical response.
Matueopangdan nga masobra daywang dag-on nga owa nakapatigayun it face-to-face nga opening salvo matapos ro pagpanaeasa it COVID-19 pandemic sa nasyon rason nga eubos ro kasadya it mga deboto nga uman nga makasadsad ag mabatian ro mga mabaskog nga patik it nagkaeain-eain nga tribu ag grupo.
