Nagapabilin sa dating panueoktan ro pamasahe sa pampasaherong behikulo byaheng Malinao-Lezo-Kalibo vice versa.
Raya ro ginkumpirma ni Mr. Edgar Igcasenza, presidente it Malinao-Lezo Transport Cooperative maskin nga epektibo umpisa makaron nga adlaw it Martes ro dugang sa presyo it produktong petrolyo.
Ginpaathag nana nga uwa pa sanda it ginabuytan nga taripa maghalin sa Land Transportation and Franchising Regulatory Board ukon LTFRB angot sa andang ginaduso nga dugang nga pamasahe.
Madumduman nga aprubado eon it LTFRB ro dugang nga pamasahe sa mga pampasaherong behikulo kaparehas it jeepneys ag multicab.
Apang, kinahang-ean nga may igapresentar anay ro mga operator/driver nga taripa sa mga pasahero.
Sa makaron suno kay Mr. Igcasenza hay kinahang-ean nanda ro pag-intindi it mga pasahero eabi eon ro inde nanda maserbisyuhan partikular ro inde eon kaabot it saeakyan sa terminal bangud nga kon temprano pa sanda makaguwa hay uwa eon haeos it gabalik sa kalibo bangud sa kawad-an man it pasahero.
Maghueogan eamang sigon it abaga ro kada isaea para bukon it mabug-at para sa tanan ro presenteng sitwasyon pag-abot sa sektor it transportasyon bangud nga bukon eamang it Pilipinas ro nagabatyag kundi maging ro bilog nga kalibutan.
