Bukon sigon it “choice” apang kinahangean eon sa makaron nga himuon ro digitalization process sa nasyon.
Raya ro gin-insister ni Pangueong Ferdinand Marcos Jr. sa printi it mga eksperto,bangud sa posibilidad nga maaywan eon ro Pilipinas sa topikong digitalization.
Suno sa Pangueo, committed imaw nga mapatigayon ro bisyong himuon nga digital Philippines ro nasyon, mapaumwad ro digital infrastructure kara, mapaumwad ro “regulatory framework for innovation” ag masiguro ro cyber security.
Waea-tou sigon ro makarondayang tikang nga madigitalize ro burukrasya ag gobyerno sa target it anang Administrasyon nga mapaumwad ro ekonomiya.
Makasueobo eang sigon suno sa Pangueo nga sa ginhimu nga United Nations e-government survey hay nagaguwa nga pang 89 ro Pilipinas sa 193 mga nasyon sa patag it digital government landscape ukon egovernance.
Samtang, ginpahayag man ni Pangueong Marcos nga anang igapa-facilitate ro madasig nga pagkapasa it e-governance ag egovernment bill nga posibleng i-consolidate eon lang para maging digital eon ro mga transaksiyon sa gobyerno ag byurukrasya.
Angot kara, ginkilaea man it Presidente ro magiging partisipasyon kara it sa pribadong sektor nga posibleng maging partner sigon it gobyerno eabi eon gid ag mas advance raya sa patag it technology industries.
