Plano it Ukraine nga magtukod it sangka embahada sa Pilipinas.
Nakikita it nagapangunang diplomat ro nasyon bilang sangka “important player” sa rehiyon it Asya.
Ginpahayag ni Ukrainian Foreign Minister Dmytro Kuleba nga ginpili nana ro Pilipinas maghalin sa shortlist it mga nasyon kung siin gustong paeawakon it Ukraine ro diplomatikong presensya kara.
Ginpahayag dugang pa kara nga interesado sandang maboue ro suporta para sa Pilipinas sa United Nations, partikular, sa tyempo it pagboto sa UN general assembly ag iba pa.
Suno pa kay Kuleba nga nakikita it Ukraine ro relasyon sa Pilipinas sa kalakalan, people to people exchanges, digitalization it ekonomiya ag pharmacy.
Kung madumduman, si Pangueong Ferdinand Marcos Jr. hay campaigner it digital economy.
