Magapadayon sa sueod it sang buean ro operasyon it daywang ka peryahan sa banwa it Kalibo.
Raya hay matapos nga uman sanda nga nagrenew it andang operational permit sa lokal nga gobyerno it Kalibo.
Suno kay kagawad Mark Sy, tagapaghambae ni Kalibo mayor Juris Sucro nga gin-isyuhan it alkalde ro mga operator it permit para sa selebrasyon it paskwa.
Ro permi nga ginta-o sa mga operator hay nakabase sa ordinansa it LGU ko 2013.
Nakabaehag dikara ro oras it operasyon it peryahan, ro mga indibidwal nga allowed nga magsueod, ro mga amusement rides nga ginatanyag kaparehas it feries wheel ag ro mga hampang nga ginakabig nga mini-lottery kaparehas it color games, bingo games ag iba pang kaparehas nga hampang.
Ginpaathag ni kagawad Sy nga makabig nga sugae kon ro taya hay baskugan rason nga kinahang-ean nga maregulate raya.
Uman nga ginpasugtan ro operasyon it peryahan bangud nga may selebrasyon nga paaeabutan partikular ro tyempo it paskwa.
