Ginaduso makaron ni Kalibo sangguniang bayan member Augosto Tolentino ro sangka resolusyon of support angot sa anang request kay Aklan first district congressman Carlito Marquez nga maging cityhood ro banwa it Kalibo.
Madumduman nga makapilang beses eon nga ginahana nga ginaduso ro Kalibo nga maging syudad.
Apang, ginakueang gihapon sa populasyon ag land area sandig man sa dating requirements it laye.
Ginpaathag ni Tolentino nga ginapanindugan makaron it kongresista nga kwalipikado eon ro nasambit nga banwa para maging syudad bangud nga naduea eon ro requirement nga land area ag iba pa nga dating inde macomply it Kalibo.
Bilang first class municipality hay klaro nga kwalipikado nga maging syudad bangud nga sa income it banwa hay nakasueod raya sa requirements ag sa pilang dag-on nga paghana nga pagduso kara hay kunta may tyansa eon nga makalusot nga maging syudad ro Kalibo.
