Padayon nga nagakalisod ro mga hog raisers bangud nga nagnaba eoman ro presyo it buhi nga baboy.
Suno kay Engr. Jun Agravante, presidente it Federation of Livestock, Hog and Poultry Raisers Association nga ko tyempo it Ati-Atihan Festival hay umabot it P140 hasta it P145 pesos ro bak-eanan it live weight apang gulpi eon man raya nga nagnaba makaron.
Sambilog sigon sa andang nataeopangdan hay ro pagpasueod it karne ag buhi nga baboy sa isla it Boracay maghalin sa mga ASF province kaparehas it Cebu.
Raya suno kana ro andang nangawahan bangud nga may naga-eksister nga executive order nga bawae nga magpasueod it karne ag buhi nga baboy maghalin sa ibang probinsya.
Ginklaro nana nga bastante makaron ro supply it baboy sa probinsya it Aklan apang bangud sa pila ka mga rason hay nagapondo eon lang sa pag-alaga ro mga hog raisers.
Mag-eowas kara, kinahang-ean man nga maimbestigahan ro sigidas nga pagsinaka ko presyo it feeds nga sambilog nga nagapakalisod sa mga hog raisers.
Kinahang-ean suno kana nga makaangkon it win-win solution para masolusyunan ro ginapangatubang nga kalisod it mga hog raisers.
