Ginpangunahan ni Pangueong Ferdinand R. Marcos Jr. ro pag-umpisa it puspusang kampanya nga may kaangtanan sa tamang pagbayad it buwis.
Gin-insister it punong ehekutibo ro kahaegahan it ginapatigayon nga koleksiyon it buwis it gobyerno sa tunga it ginapangatubang it administrasyon nga mas pang pabaskugon ro ekonomiya it nasyon.
Makabulig man sigon raya sa pagbangon it nasyon maghalin sa halit nga tuga it pandaemyang COVID-19.
Madumduman nga sa unang State of the Nation Address (SONA) it Pangueo ko nagtaliwan nga dag-on hay ginpahayag kara nga magapatuman ro anang gobyerno it tax administration reforms sa tunga it ginaeauman nga pag-umwad it ekonomiya it 6.5 hasta 7.5 percent makaron nga dag-on.
Magapatuman sigon it tax adjustment ro nasyon para makaeagas sa rapid development, tuga it ginatarget nga digital economy.
Sa nagtaliwan nga pahayag ni BIR Commissioner Lumagui, ginpahayag kara nga andang pagataasan ro tax collection target it masobra P500 billion sa presenteng target para maabot ro sa kapin P2.6 trillion ro magakolektang buwis makaron nga dag-on
