Sangka construction worker sa Cambodia ro tatlong dekadang nagtipon it kwarta agud nga makapatindog it anang baeay nga itsurang eroplano!
Umpisa nga unga pa, handum eon it 43-anyos nga si Chrach Pov ro makasakay it eroplano.
Bangud kara, pati ro anang dreamhouse hay sangka airplane house.
Sa sueod it 30 anyos, nagtipon it masobra sa 76 million Cambodian riel ukon katumbas it P1 million pesos agud nga maumpisahan nana ro anang ginahandum nga baeay.
Ko Marso 2022, gin-umpisahan ni Pov ro kontruksiyon it anang baeay.
Bangud nga gusto nana nga maeapit ro itsura kara sa sangka eroplano, ro istruktura it anang baeay nga himo sa konkreto hay hawig sa fuselage it sangka eroplano ag naka-alsa raya it 19 feet above ground.
Mag-eowas kara, may una man raya nga mock engines, wings ag tailplane rason nga masae-an nga matuod nga eroplano halin sa maeayo.
Ro two-bedroom house ni Pov nga una sa Siem Reap hay ginadayo makaron it mga turista para magpa-picture.
Bukon pa it fully furnished ro sueod it airplane house rason nga naisipan ni Pov nga magtindog it coffeeshop sa guwa it anang baeay agud nga makwartahan ro pagiging instant tourist spot it anang baeay ag uman nga makatipon it kwarta para makumpleto eon ro anang baeay.
