Sangka unga nga kanding ro gindaea sa Georgia sanctuary bangud sa anang spinal disease kun sa siin dikara nana natun-an nga magtikang ag magdaeagan sa kauna-unahan nga kahigayunan sa anang kabuhi sa bulig it custom-made nga daywang kariton nga gintakod sa magtimbang it anang eawas.
Suno sa TMMA Farms and Sanctuary sa Walton County nga ro kanding nga ginpangaeanan kay Itty Bitty hay natawo ko December 2022 nga may spinal disease kapareho it spina bifida, kun sa siin ro spinal cord hay napas-eawan nga mag-develop it maayos samtang sa tiyan.
Nauna eon nga ginpahayag it mga veterinarians nga indi makabulig ro surgery kay Itty Bitty rason nga ro sapat hay gindaea sa sanctuary it sangka animal lover nga matiyaga nga nagpatigayon it bottle-feeding sa kanding umpisa nga raya hay natawo.
Suno sa caretakers nga bangud sa kundisyon ni Itty Bitty hay indi kara magamit ro anang mga siki sa likod.
Apang sa makaron hay amat-amat eon nga naka intigo si Itty Bitty nga magtikang ag magdaeagan sa unang kahigayunan sa anang kabuhi matapos nga ro sanctuary hay naghimo it pamaagi pinaagi sa pag obra it pares it kariton nga gintakod sa magtimbang it anang eawas.
Suno sa sanctuary nga nakakadaeagan eon sa anang kaugalingon ro kanding sa sueod it 24 oras matapos nga gintakod ro anang bag-ong kariton.
