Umapela si Ukrainian president Volodymyr Zelensky sa China nga maging yabe sa pagpanumbalik it katawhayan sa tunga nanda it Russia.
Raya hay matapos nga nagplastar si Wenbin it mga pamaagi para buligang maangkon ro katawhayan sa tunga it Ukraine ag Russia.
Ginpahayag it Ukrainian President nga makigbuligan eamang raya sa China kung igarespeto nanda ro mga international law ag territorial integrity.
Sa ginhimu nga diskurso ni Zelensky matapos ro sang dag-on nga pagsakop it Russia ginpahayag kara nga nakikita nanda ro kadaeag-an it nasyon makarong dag-on.
Ginpasaeamatan man kara ro mga nasyong nagsuporta kanda para buligang mapahalin ro puwersa it Russia.
Nagpanawagan man raya sa Russia nga maghalin eon sa andang teritoryo ag indi eon magpatay it mga sibilyan.
