KALIBO, Aklan—Sa nakataeana nga pagsueod it Palm Sunday ukon dominggo it lukay, gin engganyo ni Fr. Tudd Belandres, kora paroko it St. John the Baptist Cathedral ro mga Katoliko nga magpamaeangdong ag magpangamuyo makaron nga Semana Santa.
Kadungan kara, gin kumbinsi man nana ro mga tumueu-o nga makiparte sa mga aktibidad sa simbahan makaron nga tiempo it kwaresma.
Umpisa it agahon hay nagpatigayon eon it via crusis ag pagka-gabi-i hay may prusisyon kadungan it pag-umpisa it Biyernes Dolores.
Mag-eowas kara, nagpadumdum man imaw nga indi gamiton ro Holy Week para magbakasyon tuga it long weekend.
Ro iba suno kana nga mga Katoliko hay ginadumdum raya it malinong ag may paghinoesoe sa mga nahimo nga kasae-anan.
Gindugang pa ni Fr. Tudd nga ro Semana Santa sa Philippine Catholicism hay sambilog sa mga pinakamataas nga tradisyon sa religious culture it nasyon.
