Magarepresenta ro sangka Aklanon sa sangka National Pageant para daehon ro probinsya it Aklan.
Suno kay Carl Onio, representante it probinsya sa Mister Metropolitant Philippines 2026, padayon imaw nga naga pahaom para sa nasambit nga kompetisyon.
Sa pihak nga mabuhay eon imaw nga uwa naka-intra sa pageant, bangud sa pag-encourage kana it pipilang katawo nga maeapit kana, ginbaton nana ro nasambit nga hangkat.
Dugang pa nana, bilang sangka mechanical engineer, ginadungan ni Onio ro anang trabaho ag pagpahaom para sa kompetisyon.
Kaibahan sa anang preparasyon ro pag-ensayo sa pasarela, communication skills ag personality, samtang ginapabilin man nana ro anang physical fitness ag diet.
Nakapokus man ro advocacy ni Onio sa pag-alaga sa kalikasan ag responsableng pag-umwad, kapin eon para sa mga kabataan.
Pagahiwaton ro Mr. Metropolitan Philippines 2026 halin Disyembre 4 hanggang 7, kun sa siin ro grand coronation night hay nakataeana sa Disyembre 6 sa Boracay.
