KALIBO, Aklan–Naka-stand by eon ro mga personnel it Municipal Disaster it Risk Reduction Management Office ukon MDRRMO Banga sa Manduyog Hills umpisa makaron nga Huwebes Santo.
Suno kay Rolando Diaz it MDRRMO Banga nga may mga pilgrims eon nga nagsaka sa nasambit nga bukid agud nga magpatigayon it via crusis.
Apang, hin-aga nga adlaw, Biyernes Santo ro ginaeauman nga mas pang magaabo ro mga deboto ag iba pang bisita nga maghalin man sa mga kaeapit nga kabanwahanan.
Angot kara, padumdom nana sa publiko nga maging responsable ro kada isaea.
Magdaea it tubi bangud sa naeksperyensyahan nga grabeng init it panyempo kamana man tempranuhan ro andang mga aktibidad eabi eon ro mga may edad.
Magdahan sa pagsaka it bukid agud nga malikawan ro pila ka mga insidente.
