Daywang ka motor ro tumumbabo bandang alas-7 it pang-orason kabie sa may bahin it Brgy. Naligusan sa banwa it Ibajay.
Ginkilaea ro mga imbulbado sa nasambit nga aksidente kay Michael Ismael nga ginamanehar ro sangka Yamaha Nmax 150, 25-anyos ag residente it Brgy. San Jose, Ibajay samtang ginamanehar man ni Christian Joel Tiagan ro sangka Euro 150, 20-anyos ag residente it Brgy. Rizal, Ibajay.
Sandig sa inisyal nga imbestigasyon it Ibajay Municipal Police Station nga parehong maghalin sa direksiyon it Poblacion Ibajay ro daywa kat matabo ro insidente.
Kun siin ginapahayag nga pag-abot sa nasambit nga lugar hay gulpiyadang nagpundo si Tiagan samtang maga-overtake man kungta si Ismael rason nga nasaeawig kara ro motor ni Tiagan.
Bangud sa mabaskog nga impact it pagkatumba hay confined sa provincial hospital si Tiagan matapos nga makaangkon it pilang ka mga lastro sa nagkaeain-eain nga parte it anang kaeawasan.
Sa makaron, owa pa naka-istorya ro magtimbang nga parte para sa nagakaigong tikang angot sa nag-eontad nga aksidente.
