KALIBO, Aklan—Strikto eon nga igaimplementar sa banwa it Kalibo ro No-Smoking Policy.
Ginpaathag ni Kalibo vice mayor Dr. Cynthia Dela Cruz nga ro Municipal Ordinance No. 2016-008 ukon Ordinansa nga naga-bawae sa pagpanigarilyo maging Tobacco ukon electronic ag pagbaligya sa mga menor de edad hay hugot eon nga igapatuman.
Sa raya nga ordinansa nakabaehag ro mga nagakaigong penalidad sa mga madakpan nga magaeabag.
Ginpahayag dugang it bise alkalde nga kato pa man halin kat naaprubahan raya sa konseho hay gilayon nga ginpatuman.
Sa makaron suno kana hay mas pasanyugon pa gid ro implementasyon kara agud nga uwa it mga kalibonhon ukon mga indibidwal nga magkasakit bangud sa pagpanigarilyo.
Maabo eon suno kana nga pagtuon ro napamatud-an nga maabong masakit ro kaakibat it pagpanigarilyo rason nga ginaengganyo nana ro tanan nga maglikaw eon sa nasambit nga bisyo.
