KALIBO, Aklan—Gin engganyo it Department of Social Welfare and Development ukon DSWD ro publiko nga i-report ro mga pulitikong ginagamit ro Pantawid Pamilyang Pilipino Program ukon 4Ps sa pagpangampanya sa nagahilapit eon man nga barangay eleksyon sa nasyon.
Raya hay kasunod it mga napabalita nga pilang pulitiko ro nagapamaeag nga paga-igpiton ro pondo para sa 4Ps kun indi igaboto ro mga kandidatong andang ginasuportahan ukon indi magatambong sa andang political rallies.
Suno kay Atty. May Castillo, tagapaghambae it DSWD Region 6 nga ro andang taeatapan eamang ro pwedeng magkakas ag magdugang sa listahan it mga benepisyaryo ag bukon it mga pulitiko.
Ginpaathag dugang nga raya hay base sa ‘database’ it poor households.
Ginpili sigon ro mga naeakip sa 4Ps pinaagi sa National Household Targeting System ag engkaso nga may sangka benepisyaryo nga ginkakas, posibleng raya hay bangud nga owa nagtuman sa andang obligasyon sa idaeum it programa.
Sa makaron hay gina-imbestigahan eon it DSWD ro mga alegasyon nga ginagamit it pilang politiko ro 4Ps sa pagpangmpanya.
