KALIBO, Aklan—Suportado ni Sangguniang Bayan member Augusto Toelntino ro Senate Bill 2028 kung siin nagasueong nga ipanao eun lang sigon ro haega nga P100,000 nga nakataeana eamang sa mga centenarian sa tatlong magkakaibang edad nga 80, 90, 100-anyos.
Tuyo kara nga masamitan pa nanda ro kwarta bangud nga ro iba suno kana hay indi eun maka-abot it 100-anyos.
Gin-engganyo man ni SB Tolentino ro mga tawo nga suportahan ro nasambit nga bill agud makabaton man ro iba nga indi makaabot sa 100-anyos.
Paathag pa kara nga raya hay programa it gobyerno ag kun maaprubahan hay igapanawagan kun siin ag hin-uno gabueo para sa mga kwalipikadong indibidwal pero uwa pa raya makaron bangud nga proposal paeang raya.
Dugang pa it Chairperson it Committee on Veterans Affairs, Disabled and Elderly Persons nga sa Oktubre 1-7 hay may pagahiwaton nga Senior Citizen Filipino Elderly Week nga may nagkaeain-eain nga mga aktibidad nga tuyo nga pasidunggan ro mga senior citizens ag ro venue hay iga’anunsyo pa kon siin.
Gin-insister man nana nga magpartisipar ro mga kwalipikadong indibidwal sa paeaabuton nga aktibidad para sa iba pang anunsyo.
Nasayuran nga ro nasambit nga bill hay ginasueong ni Sen. Bong Revilla ag Sen. Koko Pimentel.
