KALIBO, Aklan—Naghimo it resolusyon si Kalibo sangguniang bayan member Augusto Tolentino agud nga suportahan ro hagna ni House Deputy Majority Leader at ACT-CIS partylist Rep. Erwin Tulfo nga nagatuyo nga magtao it trabaho sa mga senior citizens.
Suno kana, may mga katigueangan nga retirado nga kwalipikado pang magtrabaho rason nga mabahoe raya nga bulig engkaso nga mapasa matapos nga naaprubahan sa committee level it Kamara.
Ro “Employment Opportunities for Senior Citizen and Private Entities’ Incentives Act,” hay gin-aprubahan sa House Committee on Ways and Means nga ginapamunuan ni Albay Rep. Joey Salceda.
Kon maging laye eon ro nasambit nga hagna, makaangkon ro mga senior citizens it parehong oportunidad sa empleyo kaparehas it Person With Disabilities.
