SHOWBIZ News — Matapos maghimo it kasaysayan bilang kauna-unahan nga grupo nga nakaangkon it sold-out show para sa una nga leg it BINIverse World Tour 2025, opisyal eon nga gin-anunsyo it BINI ro mga nakataeana nanda nga concert sa UAE, UK, ag North America makaron nga dag-on.
Pagadaehon nanday Aiah, Colet, Maloi, Gwen, Stacey, Mikha, Jhoanna, ag Sheena ro world tour sa Dubai ag London sa paeaabuton nga Mayo 18 ag 25.
Magabisita man sanda sa pilang mga lugar sa Estados Unidos kun sa siin bitbit ro BINI fever.
Magatapos ro world tour it grupo sa Vancouver, Canada sa Hunyo 21.
Samtang, mangin available man ro London ag Dubai presale tickets para sa BINI.
Antes ro andang world tour, ginpaguwa it nation’s girl group ro bag-o nga single nga Blink Twice bilang pasamit sa andang bag-o nga BINIverse.
Bangud kara, nakabo-oe eagi ro bag-o nga pop anthem it masobra 1.7 million streams sa Spotify ag 3.9 million streams man sa YouTube sa sueod eamang it ap-at nga adlaw.
