MALINAO, Aklan—Naging mabungahon ro ginpatigayon it Philippine Drug Enforcement Agency ukon PDEA Aklan nga seminar ag training angot sa Barangay Drug Clearing Program, Advocacy and Drug-Free Workplace Program sa Brgy. Biga-a, Malinao.
Raya ro ginpahayag ni punong barangay Felinor Magdael it nasambit nga lugar.
Suno kana nga pinaagi sa seminar hay nataw-an it dugang nga kasayuran ag bastante nga kasanayan ro nagkaeain-eain nga miyembro it komunidad sa barangay angot sa kahalitan nga posibleng igatuga it iligal nga droga ag kun paalin raya nga malikawan.
Eubus sigon nana nga ginkalipay bangud nga maabu nga mga pumueuyu ro nagpasakop sa training eabi eon ro mga ginikanan.
Sambilog man sigon sa tuyo it hilimuon nga obrahon nga force multipliers ro mga participants sa pagsueong it anti-illegal drug advocacy campaign sa nasambit nga lugar.
