NATIONAL News —Maga-utang ro gobyerno it $67.34 milyon (P3.87 bilyon) sa World Bank (WB) para sa Philippine Civil Service Modernization Project agud nga mapanami ag mapa-ayos ro serbisyo sa publiko.
Suno sa WB, pagatutukan it proyekto ro digital transformation, human resource management, organizational development, ag pagpanami it pagtau it serbisyo it gobyerno ag masabat ro mga kinahangeanon it mga tawo.
“Strong public institutions are fundamental to achieving inclusive growth and development,” pahayag ni Zafer Mustafaoglu, World Bank Country Director for the Philippines, Malaysia and Brunei Darussalam.
Ginpaathag nana nga maayos ro pagdumaea it gobyerno kon merit-based ro civil service ukon ikasarang it mga tawo ro nagiging basehan para sa pagsueod sa public service. Sa kalibutan, kon merit-based ro civil service, mas nakaka-kolekta ro gobyerno ag mas nakakatau it manami nga serbisyo nga nakakabulig para mas maabu ro magapanipueos sa pag-umwad it ekonomiya.
Paga-suportahan it proyekto ro pagbilog it sangka human resources management information system ag payroll system para mas manami ro kalidad it mga tawong nakakasueod sa government service.
