SHOWBIZ News — Nagtaliwan eon sa pihak nga kinabuhi ro sikat nga singer nga si Hajji Alejandro sa edad nga 70 bangud sa komplikasyon halin sa stage 4 colon cancer.
Raya ro ginkumpirma it anang pamilya.
“It is with deep sorrow that we announce the passing of our beloved Dad and Son, Angelito ‘Hajji’ T. Alejandro,” kaparte it pahayag nga ginpaguwa ni Girlie Rodis, sangka family friend ag mabuhay eon nga manager it unga ni Alejandro nga singer-actress nga si Rachel Alejandro. “At this time, we kindly ask for privacy as our family grieves this tremendous loss. We appreciate your understanding and support during this difficult time.”
Gin-aywan ni Alejandro ro anang daywang unga nga sanday Rachel Alejandro ag si Ali Diaz Alejandro, drummer it Mojofly.
Ginpasidunggan ni Ali, nga kilaea man bilang Chef Barni, ro anang ama sa Instagram pinaagi sa sangka heartfelt song. “I love you, Daddywaps… I’m gonna miss you forever,” pahayag kara samtang ginakanta ro pilang linya halin sa sambilog sa mga pinakasikat nga kanta it ama nga Ang Lahat Ng Ito’y Para Sa’Yo.
Naging public ro kahimtangan it ikamayad nga eawas ni Hajji Alejandro ko Marso 2024 kat ginbulgar it anang mabuhay eon nga karelasyon nga si Alynna Velasquez, sa sangka interview it journalist nga si Julius Babao nga na-diagnose ro singer it stage 4 colon cancer. Ginsaysay nana nga ginpaidaeum si Hajji sa operasyon ag nakaangkon it mga komplikasyon, kaibahan eon ro impeksyon, apang naka-uli eon raya sa andang baeay.
Ginpahayag pa ni Velasquez ro owa pagka-ilintindihan nanda it pamilya ni Hajji angot sa pagbulgar it anang kahimtangan sa publiko.
“We had conflicting opinions,” she said. “I apologize for whatever I said, but I just got hurt. Hajji has been my partner for 27 years—I believe I know him best.” pahayag ni Velasquez.
Si Hajji Alejandro hay nakilaea ko dekada 1970 bilang sambilog sa mga haligi it Original Pilipino Music (OPM), ag nakilaea bangud sa anang manami nga boses ag mga owa it kupas nga kanta.
Ro anang pagtaliwan hay kasunod it pagkamatay man it iba pang sikat nga personalidad sa showbiz industry kapareho it Pambansang Alagad ng Sining nga si Nora Aunor ko Abril 16 ag si Asia’s Queen of Songs Pilita Corrales ko Abril 12 nga nagmarka it sangka mabahoe nga kawad-an para sa music and entertainment industry.
