SHOWBIZ News — Gindaea eon sa anang ulihing paeahuwayan sa Libingan ng mga Bayani ro National Artist ag Superstar nga si Nora Aunor.
Bandang alas-12 it udtro adlaw it Martes, Abril 22 hay ginpatigayon ro state funeral para sa superstar.
Nagtaliwan imaw ko Abril 16, 2025, sa edad nga 71 anyos.
Bilang sangka National Artist, gintaw-an imaw it state funeral nga ginhiwat sa Metropolitan Theatre sa Manila antes ro pagdaea kana sa anang ulihing paeahuwayan.
Maabu nga mga fans ro nagtambong sa necrological services sa pagtau it pasidungog sa anang mga hamili nga mga kontribusyon sa sining ag pelikula.
Sanday Lotlot ag Ian de Leon, nagtau it emosyonal nga pagpasidungog sa andang ina, nga gindumdum bilang sangka kahayag nga indi gid maduea.
Ro anang mga pelikula kapareho it “Himala” ag “Bona” hay uman nga ginpaguwa bilang kaparte it pagdumdom it anang legasiya.
Ro anang pagtaliwan hay nagdaea it mabahoe nga kasubo sa industriya it pelikula, apang ro anang pag-arte hay magapabilin nga buhi sa tagipusuon it anang mga tagasuporta.
