NATIONAL News — Nagbiyahe eon paagto sa Rome, Italy si Calookan Bishop Pablo Virgilio Cardinal David ko agahon it Huwebes, Abril 24, para magtambong sa eubong ni Pope Francis.
Sa Facebook post, nagpaguwa it mga litrato ro Diocese of Calookan kun sa siin si David hay una sa paeuparan nga daea ro anang mga bagahe.
“Off he goes—Cardinal Ambo on his way to pay his final respects to Pope Francis. A quiet moment, but filled with so much meaning,” suno sa Diocese of Calookan.
“Let’s continue to pray for the soul of our beloved Holy Father, and for all our Cardinals—especially Cardinal Ambo—as they carry on the mission of hope and service,” pahayag dugang.
Mag-eowas sa pagtambong sa eubong ni Pope Francis, ginaeauman man nga magapasakop si David sa conclave ukon papal election.
Sa makaron hay may tatlong Filipino cardinal ro pwedeng makiparte sa general congregation it cardinals nga ginaeakipan nanday David, Cardinal Luis Antonio Tagle, ag Manila Archbishop Jose Cardinal Advincula.
Madumduman nga gin-anunsyo it Vatican ro pagkamatay ni Pope Francis ko Lunes sa edad nga 88.
