Maabot sa masobra 31,000 halin sa 115,791 preso ro nakataeanang bumoto sa nagahilapit nga eleksyon sa Mayo 12.
Suno kay BJMP spokesman Supt. Jayrex Joseph Bustinera, una sa 31, 251 preso ro magaboto sa 393 special polling centers sa sueod it mga kulungan nga ginpadaeagan it BJMP.
Ro nabilin nga 464 nga persons deprived of liberty (PDLs) hay paga-eskortan it jail officers samtang nagaboto sa mga polling precinct kun siin sanda nakarehistro.
Ginreport man it opisyal nga may unang 7 PDLs ro nagadaeagan sa pagka-Senador, alkalde, kongresista samtang 2 man ro kandidato sa pagka-bise alkalde ag daywa ro nagadaeagan bilang municipal councilor.
Nauna eon nga hinambae ni Bustinera nga ginapasugtan sa idaeom it laye nga bumoto sa nagahilapit nga eleksiyon ro mga rehistradong botanteng preso nga nakabinbin ro kaso ag uwa pa nareresolba it korte. Pati eon man ro mga kinasuhan ag naga-hueat it andang trial ag ro mga indibidwal nga ginaserbe ro andang sentensiya sa kulungan it manaba sa ap’at nga dag-on.
