Nagpanawagan si Senate Majority Leader Francis Tolentino it imbestigasyon sa ilegal nga okupasyon it China Coast Guard sa Sandy Cay, parte it Spratly Islands.
Sa paagi it Senate Resolution No. 1347, ginkondena nana ro panghihimasok it China ag pag-okupa sa Pag-asa Cay 2, nga sakop it soberanya it Pilipinas.
Ginsugo it Senate Special Committee on Maritime and Admiralty Zones, nga ginadumaeahan man ni Tolentino, nga siyasaton ro insidente para mapabaskog ro proteksyon sa soberanya, sovereign rights, ag hurisdiksiyon it nasyon sa West Philippine Sea.
Ku Abril, iligal nga sumueod ro mga saeakyang-dagat ag tawuhan it China Coast Guard sa Sandy Cay, nagtindog it andang bandila, ag eumabag sa Philippine Constitution, international law, ag 2016 Arbitral Award.
Ginpamilit man ni Tolentino nga ro aktibidad it China hay insulto sa soberanya it Pilipinas ag paeag sa katawhayan ag katatagan sa rehiyon.
Ginengganyo nana ro Department of Foreign Affairs, Department of Justice, ag iba pang ahensya nga inisgidang mag-himo it legal, diplomatic, ag operational nga tikang para maprotektahan ro kinamatarong it Pilipinas sa West Philippine Sea.
