Ginkumpirma it Philippine National Police (PNP) ro pagtaas it election-related incidents (ERI) sa nasyon, pilang adlaw antes ro eleksyon.
Umabot eon sa 40 insidente ro nalista, kun siin 26 hay ‘violent’ ag 14 hay ‘non-violent.’ Pinaka-abo sa mga raya hay halin sa Bangsamoro Autonomous Region in Muslim Mindanao (BARMM), nga ginsundan it Cordillera Administrative Region (CAR), Zamboanga Peninsula, ag Cagayan Valley.
Mageuwas kara, gina-usisa pa it PNP ro 17 iba pang ginaeaumang ERI sa Ilocos Region, Calabarzon, Bicol Region, Western Visayas, Northern Mindanao, ag Davao Region.
Samtang, umabot eon sa 2,923 ro naaresto bangud sa pageabag sa naga-iral nga gun ban. Pinaka-maabong pageabag ro nalista sa Metro Manila, ginsundan it Central Visayas ag Central Luzon.
Nagpadumdom man ro PNP nga mas pabaskugon pa ro seguridad sa mga checkpoints ag chokepoints para mapabilin ro kalinong ag kaayusan antes ag samtang ginapatigayon ro eleksyon.
