Matapos ro madinaeag-on ag makasaysayang Conclave, nagkita it uman si Pope Leo XIV ag Cardinal Luis Antonio Tagle sa Vatican.
Ro pueong it daywa hay naging pribado suno kay Cardinal Tagle.
Suno kana, ginakabig nana nga “missionary shepherd” si Pope Leo XIV bangud eon man sa madaeom nana nga pagtuo ag inde matupungan nga misyon sa simbahang katolika.
Ginpakigbahin ni Cardinal Tagle sa sangka interview ro espiritwal experience sa ginpatigayon nga makasaysayang Conclave.
Naging madasig suno kana ro pagpili it mga Cardinal it bag-ong Santo Papa sa katawuhan ni Cardinal Robert Francis Prevost kon sa siin kaiping mismo ni Cardinal Tagle sa Sistine Chapel.
Ginpakigbahin man nana ro simpleng pagpangabuhi ni Pope Leo XIV nga mapinaubuson.
Madaeom suno kana ro pagtuo ni Pope Leo XIV samtang nagasalig si Cardinal Tagle nga igapadayon it bag-ong Santo Papa ro mga naumpisahan it namatay nga si Pope Francis.
