Ginpabaskog it National Food Authority (NFA) ro proseso it quality checking it andang buffer stock it bugas antes ro pagbaligya sa publiko sa mga Kadiwa stores.
Suno kay NFA Administrator Dr. Larry Lacson, ginadugangan it ahensya ro andang quality assessment it P20 rice para masiguro ro kalidad it mga ginabaligya nga bugas.
Halin sa ordinaryong paggamit it inherit system—kun siin kada buean hay naga-buoe it samples para sa laboratory analysis ag organoleptic assessment—gindugangan raya it bag-to-bag checking antes i-release sa Food Terminal Inc. (FTI), nga nagapangasiwa sa pagbaligya.
Ro tikang ngara hay alinsunod sa sugo ni Agriculture Secretary Francisco Tiu Laurel Jr. ag direktiba ni Pangueong Ferdinand Marcos Jr. nga siguraduhon nga mataas ro kalidad it bugas nga gina-tao sa publiko.
Sa pihak nga ginpahayag ni Lacson nga indi magiging 100% nga perpekto ro kada bugas apisar sa maid-id nga proseso, ginsiguro nana nga ro anumang isyu sa kalidad hay minimal ah indi makakaapekto sa pagiging euwas kara para kan-on.
