KALIBO, Aklan — Ginpaabot it sangka health expert nga importante makaron sa Pilipinas nga makaangkon it mass vaccination kontra sa rabies sa mga ayam ag kuring.
Suno kay Dr. Philip Ian Padilla, professor it microbiology sa UP Visayas nga dapat tutukan it gobyerno ro public health eabi pa ag nagatinaas ro kaso it mga nagakamatay bangud sa rabies.
Kinahangean suno kana nga mapasaka ro vaccination coverage sa mga ayam ag kuring agud nga mapugngan ro pagkalhit it rabies sa mga tawo.
Nagatinguha sigon ro Pilipinas nga maging rabies free apang sa makaron hay naga-inabu ro numero it mga nagakamatay nga tawo bangud sa rabies nga nailista kada dag-on kun sa siin ro mga ayam ro nagapangunang ginahalinan it transmission.
Ro maeapnagon nga pagbakuna, kaibahan ro iba pang tikang kapareho it responsableng pag-alaga it mga alagang sapat ag post-exposure prophylaxis hay importanteng kaparte it national rabies control program.
Kadungan kara, nagpanawagan si Dr Padilla nga indi mahuya ag insigidang magpakonsulta maskin nga simpleng kaeos eamang it sapat.
Gin-insister pa kara nga ro rabies hay puwedeng maagapan kun may bastante nga kasayuran, access sa tamang impormasyon ag serbisyong medikal.
