Naitala ng Philippine Statistics Authority (PSA) ang 414,213 na kasal noong 2023, bumaba ng 7.8% mula 2022.
Ipinapakita nito ang pag-shift ng mga Pilipino sa cohabitation kaysa pormal na kasal, kung saan 19% ng kababaihang 15-49 ang nakatira na kasama ang kanilang partner ayon sa 2022 National Demographic and Health Survey.
Mas marami rin ang ipinanganak na bata mula sa hindi kasal—842,728 kumpara sa 605,794 mula sa mga mag-asawang legal na kasal. Binibigyang-diin ng Commission on Population and Development (CPD) ang pangangailangang suportahan ang lahat ng uri ng pamilya.
Pinakasiksik ang mga kasal sa Pebrero, sinundan ng Disyembre at Hunyo.
Nanguna ang CALABARZON sa bilang ng kasal, habang ang BARMM naman ang may pinakamababa. Ang civil weddings ay 42.9%, Roman Catholic 31.4%, at iba pang relihiyosong seremonya 23.5%.
Nanatili ang karaniwang edad ng pagpapakasal sa 28 para sa babae at 30 para sa lalaki.
Nagpapatuloy pa rin ang insidente ng maagang kasal kung saan may 12,630 babaeng menor de edad na nagpakasal noong 2023.
Hinihikayat ng CPD ang pagpapatibay ng mga patakaran para sa pamilya, anuman ang anyo nito.
