KALIBO, Aklan — Kadungan sa uman nga pag-umpisa it nationwide voters registration, gin engganyo it Commission on Elections (Comelec) Malay ro andang mga pumueuyu nga indi eon paghueaton ro ulihing adlaw it pagparehistro sa Mayo 18, 2026.
Suno kay Atty. Jose Rowell Imperial, municipal election officer it banwa it Malay nga kalitan it mga learners ro andang semestral break sa ulihing domingo it Oktubre agud nga makaparehistro ag makapasakop sa pagahiwaton nga Barangay and Sangguniang Kabataan (SK) elections.
Target sigon nanda sa andang igalunsar nga satellite registrations ro mga bag-ong botante ag SK voters nga naga-edad it 15 anyos.
Pagahiwaton ro pagparehistro umpisa Lunes hasta Sabado nga adlaw, kaibahan ro mga holiday.
Nagapabilin nga ro banwa it Malay ro ikaywa sa may pinaka maabu nga botante sa bilog nga probinsiya it Aklan.
Ro masunod nga Barangay ag Sangguniang Kabataan elections hay nakataeana sa Nobyembre 2, 2026.
