KALIBO, Aklan—Gintaeana ni Pope Leo XIV ro pari nga si Fr. Cyril Villareal, 51-anyos halin sa sa Archdiocese of Capiz bilang bag-ong obispo it Diocese of Kalibo, adlaw it Sabado, Enero 24.
Pagabuslan nana si Bishop Jose Corazon Tala-oc, nga nagretiro ko Hunyo 2025 matapos ro haeos 14 anyos nga pagpanerbisyo.
Si Villareal hay gin-ordinan bilang pari ko Mayo 25, 2001, ag nagtapos it pilosopiya sa St. Pius X Seminary sa Roxas City ag teolohiya sa University of Santo Tomas (UST) sa Maynila.
May una man imaw nga master’s degree ag licentiate sa sagradong teolohiya halin sa UST, ag master’s degree sa teolohiya halin sa University of Vienna, Austria.
Nagserbi man imaw sa nagkaeain-eain nga responsibilidad ag posisyon sa lokal ag internasyonal nga lebel, kaibahan ro pagiging assistant chaplain ag assistant priest sa Vienna halin 2005 hasta 2010.
Sa Capiz, naging vicar general imaw ag ko ulihi hay administrator it archdiocese ko tyempo it sede vacante (2021–2023).
Halin Hulyo 2024, imaw ro kura paroko it St. Thomas of Villanova Parish sa Dao, Capiz.
