Mataas na Blood Sugar, iniuugnay sa mas mataas na panganib ng poagkabulok ng ngipin

Isang pag-aaral ng University of Osaka ang nagpakita na ang patuloy na mataas na antas ng asukal sa dugo, gaya ng sa diabetes, ay may kaugnayan sa mas mataas na panganib ng pagkabulok ng ngipin. Ayon sa pananaliksik na kinasangkutan ng may 60 kalahok, ang sobrang asukal sa dugo ay naililipat sa laway, na nagdudulot ng pagdami ng dental plaque at mga bakterya na sanhi ng tooth decay.

Natuklasan din na ang pagkontrol sa blood sugar ng mga pasyenteng may diabetes ay nagreresulta sa mas mababang antas ng asukal sa laway at mas maayos na balanse ng bakterya sa bibig, kahit walang isinagawang dental treatment. Ipinapakita ng pag-aaral na mahalaga ang maayos na pamamahala ng blood sugar sa pagpapanatili ng kalusugan ng ngipin at bibig.