Ginpresenta it prosecution team it International Criminal Court (ICC) ro mga video ag dokumento agud pamatud-an eon ro katagang neutralization sa idaeom it war on drugs it nakataliwan nga administrasyon hay direktang nagatumod sa pagpatay.
Sa pagpamati, ginhathag ni ICC Trial Lawyer Edward Jeremy ro ginbansagang “Duterte list” bilang ebidensya.
Gintumod nana kara sanday dating Mayor Rolando Espinosa ag Mayor Reynaldo Parojinog nga parehong ginbutangan it markang neutralized sa mismong adlaw nga sanda hay napatay.
Mag-eowas kara, ginpakita man it prosecution ro sangka chart kon sa siin ginpabugae sigon ni dating Pangueong Rodrigo Duterte ro pag-ekis sa litrato ni Espinosa matapos raya nga mamatay.
Agud nga kapin pang palig-unon ro kaso, nagpaguwa si Jeremy it mga video it dating presidente.
Suno sa prosecution, ro mga ginhathat nga ebidensya hay bastante eon agud pamatud-an nga ro mga natabo nga patayan hay kaparte it sangka systematic attack sa mga sibilyan ag sangka pormal nga state policy.
