Apat patay, anim sugatan sa Pputukan sa katubigang sakop ng Cuba

Apat na katao ang nasawi at anim ang nasugatan sa insidente ng putukan sa loob ng teritoryal na tubig ng Cuba matapos pagbabarilin ng mga awtoridad ang isang speedboat na nakarehistro sa United States.

Nakita ang bangka malapit sa Cayo Falcones sa lalawigang Villa Clara at nilapitan ng Cuban border patrol para sa pagkakakilanlan. Ayon sa Cuban Ministry of the Interior, nagpaputok umano ang mga sakay ng speedboat na ikinasugat ng isang opisyal, na humantong sa palitan ng putok.

Apat sa mga sakay ang napatay habang anim ang sugatan at isinailalim sa gamutan. Patuloy ang imbestigasyon sa pagkakakilanlan ng mga nasangkot at sa dahilan ng pagpasok ng bangka sa nasabing lugar, sa gitna ng umiigting na tensyon sa pagitan ng dalawang bansa.