Ginmanduan eon ni Pangueong Ferdinand Marcos Jr. ro mga natungdan nga ahensya it gobyerno nga siguraduhon ro kaeowasan it mga Pilipino sa Middle East kasunod it mga serye it pag-atake it Iran kontra sa mga base militar it Estados Unidos sa Gulf Arab states.
Suno sa Department of Foreign Affairs (DFA), uwa pa it presenteng naireport nga Pilipinong naapektuhan ukon nalastruhan bangud sa naga grabe nga kinagamo.
Madumduman nga nag-ugat ro tensyon matapos ro ginhimo nga joint missle attack it Amerika ag Israel nga uwa mat-a ginpaeampas it Tehran.
Sa pihak nga parte, gin-engganyo it diplomatic mission it Pilipinas sa United Arab Emirates (UAE), ro mga Pilipino nga magpabilin nga kalmado ag subaybayan ro opisyal nga abiso halin sa gobyerno it UAE ag sa Embahada ukon Konsulado it Pilipinas.
