Nagapabilin nga una sa red zone ro tatlong banwa sa probinsiya it Aklan bangud sa African Swine Fever ukon ASF.
Suno kay Livestock Inspector 1 Dr. Ivy Lachica it Office of the Provincial Veterinarian nga base sa pinaka-ulihing datos it Bureau of Animal Industry, ro nasambit nga mga banwa hay ro Kalibo, Ibajay ag Lezo.
Apang owa eon sanda it nailistang aktibong mga kaso.
Naeakip sigon sanda sa red zone bangud nga owa pa nakompleto nga maproseso ro mga dokumento agud nga ma-upgrade sa yellow zone kapareho it surveillance ag iba pang documentary requirements.
Samtang, pito eon nga banwa ro naeakip sa yellow zone nga ginaeakipan it Balete, Banga, Malinao, New Washington, Buruanga ag Nabas nga nagakahueugan nga pwede eon nga makapa-abu it alagang baboy.
Pito man nga banwa sa probinsiya ro una sa pink zone.
Bangud nga owa eon it na monitor nga kaso it ASF, makabig nga ro Aklan hay una eon sa recovery stage.
Bangud nga owa pa it naimbento nga bakuna kontra sa ASF, nagapabilin ro paeag it ASF sa mga alagang baboy.
