Ginpahayag ni San Juan Rep. Ysabel Maria Zamora nga mas nag-inabo ro ebidensyang kaibahan sa impeachment complaint kontra kay Vice President Sara Duterte makaron kon ikumpara ko nagtaliwan nga dag-on samtang ginauisisa raya it House Committee on Justice agud tumuron kon may probable cause.
Suno kay Zamora, nadugangan ro mga dokumento ag attachments sa reklamo, maskin nga nagapabiling pareho ro mga pabangod nga impeachable offenses.
Gin-insister man nana nga may bastanteng basehan ro kaso ag bukon raya it haka-haka eamang.
Gin-ako nana nga may halong pulitika ro proseso kapin eon ag nagahilapit ro eleksyon, apang nakikita sigon it mga mamalidha nga may minatuod nga kabangdanan ro reklamo.
Suno pa kana, posibleng sakop it impeachment proceedings ro exemption sa bank secrecy law, apisar nga bukon eubus nga klaro sa laye.
Depensa ni Zamora, nag-agi sa maid-id nga pag-usisa ro mga reklamo ag napamatud-an nga “sufficient in form and substance,” bangud sa nakabaehag ro mga kinahang-eanong detalye ag mga ginhimo it respondent.
