Padayon nga ginapabaskog it Philippine National Police (PNP) ro andang kampanya kontra sa loose firearms sa bilog nga nasyon.
Sa rekord it PNP umpisa Enero 1 hasta Abril 30 it makaron nga dag-on, nairekord it kapulisan ro kabilugan nga 4,038 nga mga indibidwal nga nadakpan bangud sa pag-eabag sa loose firearms.
Sa nasambit man nga period, kapin sa 12,000 nga mga baril ro nairekord nga nakumpiska, ginsurender, ag narekober sa mga operasyon.
Samtang kapin sa 1,000 nga mga baril ro boluntaryo nga gintau para sa safekeeping ag nagakaigo nga disposisyon.
Suno kay PNP Chief General Jose Melencio Nartatez Jr., ro mataas nga numero it mga boluntaryo nga nagsurender it andang mga baril hay sangka klaru nga indikasyon it mabaskog nga pagsalig it publiko sa kapulisan ag andang pagtinguha nga mapabilin ro kalinong ag katawhay sa nasyon.
