Ginhinyo ni Senador Ronald “Bato” Dela Rosa nga ibutang imaw sa kustodiya it Philippine National Police, suno kay Acting Senate Sergeant-at-Arms Mao Aplasca.
Ginsambit ro hinyo sa sangka pueong kaibahan sandat PNP Chief Jose Melencio Nartatez Jr. ag Interior Secretary Jonvic Remulla kasunod it tensyon sa Senado ku Miyerkules.
Nauna kara, nag-panaw si Dela Rosa sa Senado aga-aga it Huwebes matapos ro report it mga eupok it baril ag lockdown sa palibot it Senado.
Ginpahayag man ni Pangueong Ferdinand Marcos Jr. nga uwa it sugo para arestuhon ro senador.
Si Dela Rosa hay kaibahan sa mga may arrest warrant halin sa International Criminal Court angot it kasong crimes against humanity nga may kaangtanan sa kampanya kontra ilegal nga droga ku administrasyon ni dating Pangueong Rodrigo Duterte.
Nauna eon man imaw nga ginbutang sa protective custody it Senado matapos hanaon nga ipatuman it National Bureau of Investigation ro nasambit nga warrant.
