Napilitang i-divert it Australian airline nga Qantas ro sangka flight paagto sa United States matapos magpang-gulo ro sangka pasahero samtang sa biyahe.
Ro eroplano halin sa Melbourne nga paagto kunta sa Dallas hay temporaryong nagtugpa sa Papeete, kabisera it French Polynesia, bangud sa insidente.
Base sa report it local media, gin-angkit sigon it pasahero ro sangka flight attendant. Raya hay maskin nga ginpugngan imaw it iba pang kaparehong pasahero.
Pag-abot it eroplano, ginsug-aeaw it mga awtoridad ro nasambit nga pasahero ag ginpapanaugan imaw it no-fly ban sa tanan nga Qantas flights.
Suno sa tagapaghambae it Qantas, ro kaeowasan it andang customers ag crew ro numero uno nanda nga prayoridad ag nagapatuman it zero tolerance sa disruptive ukon maka-alarma nga pagbinatasan sa andang flights.
