Nagkaeain-eain ro eksperyensiya sa pagtueog sa gabi-i, kon amat hay hamuok, apang ro masubo may mga kahigayunan man nga bukon it quality sleep ro aton nga naangkon maskin nga kumpleto sa oras.
Ag kon amat, bukon it solusyon ro mas mahabang tueog para eang makabawi, eabi eon kon kinahangean nga mag-trabaho eagi.
Bangud kara, may mga laygay ro pilang sleep experts para mapaeampas ro adlaw maskin nga bukon it manami ro tueog sa gabi-i.
Una kara hay ro kape, eabi eon kon bastante ro kaabuon ag gin-inom raya sa tamang oras.
Mayad man nga makaangkon it balanced diet ag likawan nga magdepende sa mga matam-is nga pagkaon, mag-eowas eon lang sa prutas agud nga malikawan ro “sugar crash.”
Mayad man kon makaangkon it break ro tawong may pangit nga tueog agud nga makabulig nga magpabilin nga bugtaw ag alerto sa bilog nga adlaw kaibahan ro pagtikang sa guwa, low-intensity exercise, ag mga power nap sa bilog nga adlaw.
Sa ulihi, mas mayad gihapon nga obrahon nga simple ro bilog nga adlaw, likawan nga mag-maneho, ag ipabilin sa gihapon ro sleep schedule ag limitahan sa daywang oras ro dugang nga tiempo para sa pagtueog sa gabi-i para makabawi sa masunod nga adlaw.
