Nagpanawagan ro mga lokal nga opisyal ag eksperto sa ikamayad nga eawas nga pabaskugon ro maternal ag child immunization para mapunggan ro pagkalhit it mga sakit nga malikawan sa paagi it bakuna.
Sa VISION 2026 Summit sa Pasay City, ginpunto ro kinahangean it bastante nga suplay it bakuna, daeayon nga pondo, ag mas maeawig nga pakikipag-partisipar it nagkaeain-eain nga sektor sa mga programa it pagbakuna.
Gintalakay man ro pagtaas it kaso it pertussis ukon whooping cough sa nasyon, nga umabot sa masobra 4,500 ku 2024, samtang ginasueong man ro pagpaeawig it pagbakuna kontra sa Japanese encephalitis nga nagapabilin nga paeag sa ikamayad nga eawas sa pilang komunidad.
Suno sa mga eksperto, importanteng mapaeawig ro akses sa bakuna para maprotektahan ro mga pumueuyo kontra sa mga makahaeawang sakit.
