Maabong flights sa London, nadelay bangud sa mabaskog nga pagpangilat

Maabong mga flights sa Heathrow ag Gatwick airports sa London ro na-delay bangud sa mabaskog nga pagpangilat.

Suno sa air traffic control it United Kingdom, nga masobra 900 nga mga inbound ag outbound flights sa nasambit nga mga paeuparan ro na-delay it masobra 11 oras.

Pilang mga flights man ro nakansela bangud sa nasambit nga mga mabaskog nga pagpangilat.

Gin-abisuhan it mga paeuparan ro mga pasahero nga tignan tan-awon it mayad ro schedule it andang mga flights.

Ginaeauman man makaron nga adlaw man hay makabalik eon sa normal nga operasyon ro mga flights sa London.