Naga-abot sa an-um nga katawo ro namatay matapos ro sangka pagpamaril sa sangka youth welfare center, sa siyudad it Stade Germany.
Natabu ro pagpamaril bandang alas-12:10 it hapon local time sa Dankersstrasse, sa nakatungdan nga parte it Hamburg.
Suno sa kapulisan, kaibahan sa mga namatay ro ap-at nga babaye ag daywang eaeaki, nga puro mga una sa tamang edad.
Ro sambilog sa mga biktima hay namatay samtang ginabueong sa ospital.
Daywang katawo ro naaresto, kaibahan ro ginadudahan nga suspek.
May sambilog pang indibidwal nga gina-imbestigahan angot sa insidente.
Sa makaron, indi pa matumod it mga awtoridad ro motibo it pagpamaril.
Nagapabilin nga nakasarado ro lugar samtang nagapadayun ro imbestigasyon sa gin-eontaran it krimen.
Ginklaru man it kapulisan nga owa eon it paeag sa kaeowasan it publiko sa lugar.
