Gindeklara ni U.S. President Donald Trump nga anang gintapos eon ro kasugtanan nga ceasefire sa tunga it Estados Unidos ag Iran matapos ro panibag-ong banggi-anay ag mga pag-atake sa nagtaliwan nga bilog nga gabi-i.
Sa anang pagtambong sa NATO Summit ko Miyerkules, ginpahayag ni Trump nga naglunsar ro U.S. it grabeng pag-atake kontra sa Iran ag nagpaandam nga pwede pa raya nga mauman.
Gin-akusahan man nana ro gobyerno it Iran nga purilon ag ”scum” kun sa siin gin-eabag sigon nanda ro andang memorandum of understandingg nga ginpirmahan it daywang nasyon ko Hunyo 17, 2026.
Suno kay Trump, owa eon imaw it interes nga padayunon pa ro pakikipag-istorya sa Iran ag ginhambae nana nga owa eon imaw it pagsalig sa mga opisyal kara.
Buwelta man it Iranian Foreign Minister nga si Abbas Araghchi nga andang pagasabton ro Estados Unidos bukon eang sa pagbuhi it mga pagpanghadlok kundi nga pagatupungan nanda raya it grabeng aksyon.
Samtang, uman nga igabalik it Estados Unidos ro sanction sa Iran matapos bawion ro temporaryong suspensyon kasunod it ceasefire deal.
Bangud sa panibag-ong tensyon, uman nga nagtaas ro presyo it langis sa world market bangud sa pagkabaeaka sa posibleng pag-grabe it tensyon sa Middle East.
